Select Menu

Join With Us

wisata kalimantan selatan

Berita Utama

Beriklan Disini

Cute

My Place

Liputan Khusus

Racing

Videos

Masukan Email Anda...

Enter your email address:

Delivered by FeedBurner



Masukan Email Anda dan Dapatkan Berbagai Diskon Selama Anda Di Kalimantan Selatan
» » Si Palui: Tampulu Tampuyak
«
Next
Posting Lebih Baru
»
Previous
Posting Lama


URANG-urang kuta manyambatnya mumpung, tapi urang Banjar di pahuluan menyambatnya tampulu, ujar Tuhirang wayah takumpul di gardu jaga simpang tiga.
Tampulu itu napa Rang? Takun Garbus maanyaki ungkapan kawannya itu.
Tampulu itu banyak artinya, wal ai, ujar Tuhirang. Misalnya tampulu sugih, banyak-banyaklah bawakaf, ba-amal bakti sosial ka anak yatim, fakir miskin. Tapi ada jua urang sugih makin angkin pamalar dan kikir barajut, ujarnya lagi. Ada jua nang tampulu bakuasa di atas, lalu menyakiti wan di bawah. Tampulu pintar bapandir pilih aku, cucuklah aku, banyak janji tapi mangaramputi, ujar Tuhirang.
Umailah, Rang, pina lancar banar ikam bapandir hari ini. Aku curiga. Rang ai, kalu-kalu kam ngini tampulu jua, ujar Garbus sambil lihum.
Siapa haja bulih curiga atawa buruk sangka wan aku. Aku ini urang kacil, urang jaba, kahada bakuasa. Gawianku hanya badagang mambalantik buah pisang, durian, rambutan wan tiwadak. Aku kada bajanji apa apa wan pembeli, ujar Tuhirang.
Bila pisangku ripu, kada payu, ku ulah rimpi. Bila tiwadakku kada payu, kuulah mandai. Bila durianku kada payu, ku-ulah limpuk atawa ku-ulah tampuyak, ujar Tuhirang mangalakak.
Ayo Rang, taruskan kisah ikam tantang tampulu wan tampuyak tadi, ujar Palui nang hanyar datang.
Walau pun gawianku bajual tiwadak, di pasar kuriak kuriak, biniku baulah pupur bedak, dibantu anak-anak, tapi Alhamdulillah kami guring janak, kada takutan kana sidak, ujarTuhirang makin basumangat kaya panjual ubat di Pasar Ahad.
Sidak itu napa Rang? takun Garbus handak tahu.
Nah....ini takunakan wan Katua RT kita!, ujar Tuhirang manunjuk Palui. Sidak itu artinya inspeksi mendadak. Misalnya saurang komandan tawa kapala dinas malakukan pamariksaan langsung mandadak kepada urang-urang bawahannya nang suka kaluyuran ka pasar atawa arung-warung wayah jam bagawi.
Itu ngarannya mengkurupsi waktu dinas, ujar Palui.
Imbahnya, kaya apa Lui?
Ya...ada nang ditagur dimamai, tapi balum ada pang nang langsung diampihi...., ujar Palui sambil bagamat babisik. Makanya gasan nang hanyar ditarima jadi pagawai, tampulu kapala dinas ikam pura-pura kada tahu, Sidin masih kada purun menyidak, ayo....ikam baik-baik kalakuan sebagai pagawai nagari nang baik wan barkualitas ujar Palui. Tampulu ada katua RT kita disini dan tampulu parutku gelurukan lapar, ayo kita umpati katua RT ka warung makan, ujar Tulamak manggandeng Palui.
Sumber : tribunnews

Admin Info Seputar Kalimantan Selatan

Kami adalah StartUp Digital Berbasis Informasi Daerah yang akan terus kami Update dan Kami kembangkan Segala Jenis Informasinya, Sehingga akan selalu berkembang dari segi informasi dan keterbukaan Publik, Sehingga kami dengan leluasa bisa berbagi Informasi Tentang Semua Yang Ada Di Kalimantan Selatan, Karena Motto Kami "Semakin Mudah Suatu Daerah Diakses, Maka Akan semakin cepat Perkembannya" Dan Kami Akan Terus Berbenah.
«
Next
Posting Lebih Baru
»
Previous
Posting Lama
Comments
0 Comments

Tidak ada komentar

Leave a Reply